#طنطا 🙄 الصراحة مش عارف ابدأ ازاى بس هو الشكوى دى بتجيلنا بقالنا شهر من أهالى مساكن العاملين بالبترول أخر شارع الجلاء حيث يشتكى اهالى المنطقة من سيطرة عدد من البلطجية والعربجية على طريق الكورنيش امام مجمع المدارس يفترشون الرصيف ويضعون القمامة واحصنتهم على الرصيف كما يتعاطون المخدرات ويقومون بأفعال منافيه للأداب بالطريق ولم يتحرك احد من المسؤلين بالرغم من تكرار الشكوى ووجود كل ذلك امام مجمع مدارس الجلاء الذى به المدرسة اليابانية ومدرسة المتفوقين كما يشتكون من عدم وجود خط مواصلات للمنطقة بالرغم من وجود خط سابق من مرفق المدينة ويشتكون من سوء وتردى حالة الطريق بعد خروج السيدة نادية حسونة رئيسة حى ثان للمعاش فالطريق بحاجة لإعادة الرصف والتشجير و اعادة البلاط والمقاعد التى قام بسرقتها البلطجية السابق ذكرهم
ومن رسائل زوار الموقع
1 - منذ ان احيلت السيدة نادية حسونة حى ثان طنطا للمعاش طريق الكورنيش بإتجاه مساكن البترول يعانى من الاهمال الشديد وسرقة الارصفة والمقاعد .
2 - هي فين النظافة الزبالة من قبل يوم الوقفة لم يتم رفعها من الشوارع الجانبية والمناطق اللي السيد المحافظ ميعرفش عنها حاجة منها شارع مساكن البترول
3 - ياريت حد يوصل رساله دى طريق كوبرى فاروق وانت ريح لمساكن البترول فى زباله وناس وخده المكان ليهم للاحصانا بتاعتهم ونوم بقينا نخاف نمشى بسببهم المنظر وحش اووى ياريت حد يشوف الموضوع ده
4 - اشتكينا كتير لحى ثان طنطا لكن مفيش تحرك والعربجية جايبين زبالة وحاطينها على الارصفة وحاطين الاحصنة بتاعتهم ونايمين ع الرصيف زى ما فى الصور اللى بعتها لحضرتك وبنخاف نعدى من الطريق
5 - طريق مجمع المدارس اللى المفروض فيه مدرسة المتفوقين و المدرسة اليابانية إلخ استولى عليه شوية عربجية والحكومة مش بتمشيهم
6- من اهالي المنطقه وكنت هبعت ع الموقع النهاردة نفس الشكوي الصور الموجودة دي من شهر تقريبا حاليا الوضع بقا اوحش بكتيييير من الاول وزيادة عليه انهم فارشين ع الرصيف البطاطين والمفارش اللي تخصهم والبوتجاز والاكل فالشارع بزيادة كمان الطريق مش امن علينا ومفيش مكان نقعد فيه وتكاتك بليل واقفه ع الرصيف وصحاب التكاتك بيشربوا مخدرات فيها او معاهم بنات جوة التكاتك
نتمنى تحرك من السادة المسؤلين بمحافظة الغربية
إرسال تعليق